Қазіргі кәсіптік білім беру саласында болашақ мамандардың әлеуметтік-гуманитарлық бағытта тәрбиеленуі маңызды мәселе болып табылады. Білім беру үдерісінде тек кәсіби дағдылар мен білікке назар аударып қана қоймай, студенттердің адамгершілік қасиеттерін, гуманистік бағыттылығын дамыту қажет. Әлеуметтік-гуманитарлық ғылымдар студенттердің дүниетанымын кеңейтіп, өмірлік құндылықтарды қалыптастыруға ықпал етеді. Мақалада оқыту әдістерінің әлеуметтік-гуманитарлық негіздері, олардың тұлға дамуына әсері және студенттердің сыни тұрғыдан ойлау қабілеттерін қалыптастырудағы рөлі қарастырылған. Сонымен қатар, оқыту үрдісінде қолданылатын жеке тұлғаға бағытталған әдістердің тиімділігі, студенттердің өз бетінше ойлау, талдау, қорытынды жасау дағдыларын дамытудағы маңызы талданған.