Мақалада қазақ тіліндегі аударматану саласындағы терминологиялық сөздіктерді құрастыру тәжірибесі қарастырылады. Зерттеу барысында аударма теориясы мен тәжірибесінің дамуы, отандық және ресейлік аударма ғылымындағы терминологиялық негіздер, сондай-ақ қазақ тіліндегі аударма терминдерінің жүйеленуі мәселелері талданады. Автор қазақ тіліндегі аударма оқулықтарының тапшылығы мен терминдердің көпнұсқалылығы салдарынан терминологиялық сөздіктің маңыздылығын атап көрсетеді. Сөздік кәсіби аудармашыларды даярлауда және аударма қызметінде қолдануға бағытталған, қазақ тіліндегі аударма терминдерінің дәл анықтамаларын береді, ағылшын және орыс тіліндегі баламаларымен толықтырылады.