Мақалада Қазақстан Республикасындағы сыбайлас жемқорлыққа қарсы күрес саласындағы заңнаманың қалыптасуы мен даму барысына жан-жақты шолу жасалады. 1998 жылы қабылданған «Сыбайлас жемқорлыққа қарсы күрес туралы» Заңға енгізілген негізгі өзгерістер мен толықтырулар талданып, олардың мемлекеттік қызмет, экономика және құқық салаларына ықпалы қарастырылады. Автор заңнамалық түзетулердің сыбайлас жемқорлық құқық бұзушылықтардың алдын алу, лауазымды тұлғалардың жауапкершілігін күшейту және қоғамдық бақылауды арттыру бағытындағы маңызын көрсетеді. Сонымен қатар мемлекеттік бағдарламалар мен халықаралық құқықтық нормаларға сәйкестендіру мәселелері қамтылып, сыбайлас жемқорлыққа қарсы саясаттың жүйелі және кешенді сипат алғаны айқындалады.