Мақалада тәуелсіздік тұсындағы қазақ айтыс өнерінің дамуы мен ерекшеліктері талданады. Айтыс – халықтық көркемөнердің бірегей түрі, ол дәстүр мен жаңашылдықтың үйлесімінен қалыптасып, ғасырлар бойы жұртты баураған. Мақалада айтыстың мазмұн мәнері, форма бөгенайы, жасампаздық биігі және көрерменге әсері қарастырылады. Сондай-ақ, қазіргі дәуірдегі айтыстардың ұйымдастырылуы, әділқазылар жүйесі, ақындардың шығармашылық қабілеттерін дамыту жолдары және жастардың өсуіне ықпалы зерттеледі. Автор айтыстың халық мәдениетіндегі орнын, оның өміршеңдігін, эстетикалық және тәрбиелік мәнін көрсетеді, сондай-ақ қазіргі айтыс өнеріндегі бағалау мен әділқазылық тәжірибесінің маңызды рөлін атап өтеді.