Бұл мақалада қазақтың көрнекті ғалымы, шығыстанушы, мемлекет және қоғам қайраткері Әбсаттар Дербісәлі туралы сөз болады. Автор оның ғылым, білім және рухани өмір саласындағы еңбек жолына тоқталады. Ә.Дербісәлі араб тілі мен әдебиеті бойынша Қазақстанда алғаш ғылыми мектеп қалыптастырған тұлғалардың бірі ретінде бағаланады. Ол әл-Фараби, Махмұд Хайдар Дулати, Бейбарыс сынды тарихымыздағы алып тұлғалардың мұраларын зерттеп, оларды ұлт санасына қайта оралуына үлкен үлес қосты. Сонымен бірге, Қазақстан мұсылмандары діни басқармасының төрағасы, Бас мүфти қызметін атқарып, елдегі діни бірлік пен рухани келісімді нығайтуға еңбек етті. Оның еңбектері тек ғылыми ортада ғана емес, халық арасында да кеңінен танымал. Бұл мақала тұлғаның көпқырлы болмысын танытып, оның ел тарихындағы орнын ашады.