Қазақ тіл білімінде функционалды грамматика мақсатты түрде өткен ғасырдың соңғы жылдары зерттеле бастағанмен, осы грамматиканың шеңберінде қарастырылатын мәселелер ХХ ғасырдың басында-ақ айтыла бастаған болатын. Оған А.Байтұрсынұлы, Қ.Жұбанов, С.Аманжолов еңбектерінде кездесетін грамматикалық тұлғалардың семантикасы, қызметі туралы айтылған ғылыми пайымдаулар дәлел бола алады. Сонымен қатар, өткен ғасырдың соңынан бастап қазақ тілтанымында грамматика функционалды аспектіден мақсатты түрде қарастырылып, бірнеше ғылыми монографиялар жарық көрді. Оқу құралында қазақ тілтанымындағы функционалды грамматиканың зерттелу жайына арнайы орын берілді. Оқу құралында функционалды грамматиканың грамматиканың зерттеу нысаны, әдіс-тәсілдері және негізгі ұғымдарына түсінік беріліп, қажет тұсында дәстүрлі грамматикамен салыстырыла қарастырылған. Жекелеген семантикалық категориялардың сипаттамасы жасалған. Еңбек студенттерге арналған.