3 results
Search Results
Now showing 1 - 3 of 3
Item Open Access Түркі журналистикасын зерттеу мәселелері(Suleyman Demirel University, 2010) Аязби БейсенқұловМақалада түркі журналистикасын зерттеу қажеттілігі, оның рухани, мәдени және ақпараттық интеграциядағы орны жан-жақты талданады. Автор қазіргі жаһандану жағдайында ұлттық ақпараттық кеңістіктің әлсіреу қаупін атап өтіп, түркі әлемін жақындастырудағы БАҚ-тың топтастырушы күшін ерекше көрсетеді. Түркі тілдес елдер арасындағы ортақ рухани негіз — тіл, мәдениет және тарих журналистика саласында да ортақ ғылыми бағыттарды қалыптастыруға мүмкіндік беретіні дәлелденеді. Түркияда, Әзербайжанда, Қырғызстанда, Татарстанда журналистика ғылымының дамуы мысалға алынып, олардың тәжірибелерін жүйелеудің өзектілігі талқыланады. Автор PhD бағдарламалары, халықаралық профессорлық лекциялар, түркі ғалымдарының қатысу деңгейі, сондай-ақ журналистиканы оқытуда ұлттық ерекшеліктерді ескеру қажеттігін сын тұрғысынан қарастырады. Түркі журналистикасының ғылыми негізін қалыптастыру үшін ортақ орталықтар, ғылыми журналдар, пәндер енгізу және тәжірибе алмасу қажет екені тұжырымдалады.Item Open Access БАҚ – ТӨТЕНШЕ ОҚИҒАЛАР КЕЗІНДЕ НЕГІЗГІ АҚПАРАТ КӨЗІ РЕТІНДЕ(2021 International Young Scholars' Conference, 2021) Жүнісбекова Б.Д.Аңдатпа. Бұқаралық ақпарат құралдарының арқасында кез-келген төтенше оқиға немесе табиғи апат ақпараттық-коммуникациялық резонанс алады, бұл жаңалықтың хабарлау сипатына қарай апаттың салдарын күшейтеді немесе адамдарды депрессия, апатиядан қорғауға көмектеседі, яғни әлеуметтік салада психотерапияның бір түрін жүзеге асырады. Қазіргі кездегі бұқаралық ақпарат құралдары, баспасөз - қоғамға, экономикаға, саясатқа, эстетикаға белсенді әсер ететін нақты әлеуметтік-саяси фактор. Ол көзқарасты, талғамды, дүниетанымды анықтайды және қалыптастырады. Адамдар телеарналар ұсынатын әр түрлі бағдарламаларды көреді. Табиғи және техногендік апаттар, түрлі масштабтағы оқиғалар сияқты экстремалды оқиғаларды қамтитын бағдарламалар ерекше орын алады. Бұқаралық ақпарат құралдарындағы төтенше оқиғалар туралы жаңалықтар ақпарат нарығының ең танымал мазмұны болып табылады. Соңғы онжылдықта телеарналарда, баспа және интернет БАҚ-та, радиода жаңалықтарды тезірек және сапалы дайындауға жағдай жасалды. Күн сайын ақпараттық жобалардың саны мен сапасы артып келеді, бұл ақпараттық өнімдердің өздерін де, тәжірибелерін де, оларды дайындау ерекшеліктерін де зерттеу өзектілігін дәлелдейді.Item Open Access МЕДИАКЕҢІСТІКТЕГІ СӨЗЖҰМСАМНЫҢ ПРАГМАТИКАЛЫҚ ЕРЕКШЕЛІКТЕРІ(Suleyman Demirel University, 2014) Тілегенова АрайлымМақалада бұқаралық ақпарат құралдарындағы адресант пен адресат арасындағы байланыс, газет мәтінін түзуде қолданылатын түрлі прагматикалық мәселелер қарастырылады. Сөз мәдениеті – әдеби тілдің ауызша түріне тән нормаларын игеру, тілдік амалтәсілдерді айтылатын ойдың мақсатына сай орнымен қолдана білу, сөйлеуде мәдениеттілік, әдептілік таныту. Сөйлеуде диалектизмдерді, қарапайым, дөрекі сөздерді, варваризмдерді қолдану, орынсыз көп сөйлеу, бір пікірді бірнеше рет қайталау, өзіне өзі сілтеме жасау, асқақтап сөйлеу, дене қимылдарын орынсыз араластыра беру сөз мәдениетіне жатпайды. Кірме сөздерді орынсыз жұмсай беру, сіреспе құрылымдарды қолдану сөз мәдениетіне нұқсан келтіреді. Сөз мәдениеті сөйлеу әдебі деген ұғыммен ұштасып жатыр. Сөз мәдениеті теориясының дамуында лексикография, әсіресе нормативті түсіндірме сөздіктер, орфоэпиялық, орфографиялық, синонимдік т. б. арнаулы сөздіктерді пайдалана білудің манызы зор