Аңдатпа. Мақалада оқушылардың фигураның қасиетін ұғынуға, есепті шығарудың тәсілін қай бағытта іздестіру керектігін байқауға және есептерді шығарғанда қолданылатын кескіндер туралы әдістемелік кеңестер есеп шығару мысалымен берілген. Геометриялық есептерді шешу тек қандай да бір геометриялық фигураның қасиетін үйрену ғана емес. Ол дұрыс пікірлеу, логикалық тұжырым жасау және олар негізінде тура және дұрыс шешім қабылдау, қорытынды шығаруды қалыптастырады. Меңгерілген білімді практикада қолдана алу біліктілігі – математиканы оқытудың негізгі бір мақсаты болып табылады. Сондықтан, математиканы оқытуда есептер шығару ең маңызды рөл атқарады. Есептерді шығару үрдісінде геометриялық фигуралар, аксиомалар мен теоремалар, формулалар мен ережелер бізді қоршаған өмірдің диалектикалық заңдылықтарын ашып, жаңа бір мән-мағынаға ие болады